Berluskoni ofron 117 milionë euro për Ronaldinjon?!

Presidenti i Milanit, Silvio Berluskoni është i gatshëm që t'i ofrojë Barcelonçs një ofertë marrëmendëse prej 117 milionë eurosh për të siguruar shërbimet e lojtarit më të mirë të skuadrës katalanase, Ronaldinjo.
Mediumet italiane kanë bërë të ditur se Berluskoni ka vendosur ta pranojë kërkesën e Barcelonës për vlerën e dëmshpërblimit dhe për këtë gjë e ka njoftuar klubin katalanas. Gjithnjë sipas mediumeve italiane, Berluskoni ka arritur marrëveshje me yllin brazilian për të nënshkruar kontratë pesëvjeçare, me pagë vjetore prej 8,5 milionë euro. Mediat italiane kanë thënë se Berluskoni kishte ndarë 50 milionë euro në prag të afatit kalimtar për të rikthyer ukrainasin, Andri Shevçenko në "San Siro", por ka hequr dorë nga kjo përpjekje pas bisedimeve të vështira me drejtuesit e Çelzit. Për këtë arsye presidenti i Milanit ka vendosur që paratë e dedikuara për Shevçenkon t'i shfrytëzojë për të blerë Ronaldinjon, për një shifër rekorde në historinë e futbollit botëror