Parki Xhi Sung mungon në pjesën e parë të edicionit

Futbollisti i Mançester Junajtedit dhe i kombëtares së Koresë së Jugut, Park Xhi Sung, do të mungojë në pjesën e parë të edicionit të ri, për shkak të lëndimit të gjurit. Pas operacionit, të cilin e kreu në prill në SHBA, Park është bashkuar me lojtarët e tjerë të skuadrës angleze, që po përgatiten për edicionin e ri në një turne nëpër Azi.
Park ka thënë se gjithçka rreth shërimit të lëndimit është duke shkuar sipas planit dhe ai do të jetë i gatshëm për lojë në janar të vitit të ardhshëm. Trajneri i "djajve të kuq", Aleks Ferguson ka pohuar se është i zhgënjyer me këtë lajm, por shpreson se skuadra e tij do të arrijë ta mbulojë mungesën e tij. Futbollisti koreano-jugor është bashkuar me Mançesterin në vitin 2005, duke u transferuar nga skuadra holandeze, PSV Aindhoven.