Gremio Finalist i kupes Libertadero

Skuadra braziliane e futbollit Gremio është plasuar në finale të kupës Libertadores përkundër disfatës 1:3 në ndeshjen e kthimit gjysmëfinale si mysafirë i ekipit tjetër brazilian Santos.

Gremio ka fituar në ndeshjen e parë me rezultat 2:0 dhe duke iu falënderuar golit si mysafirë kaluan në finale të garës më të vlefshme ekipore në Amerikën e Jugut. Mysafirët kaluan në epërsi me golin spektakular të Diego Souzes në minutën e 23-të, ndërsa me dy gola të Renatinjos në minutat 45 dhe 61 ekipit nga Sao Paulo iu kthyen shpresat për plasman eventual në finale. Ato u bënë edhe më reale kur reprezentuesi brazilian Ze Roberto shtoi epërsinë në 3:1 në minutën e 77-të. Mirëpo, mysafirët arritën që deri në fund të takimit të ruajnë portën e tyre dhe në saje të golit si mysafirë të plasohen në finale. Në gjysmëfinalen e dytë takohen Boka Xhuniors – Çukuta (Kolumbi). Ndeshjen e parë e fituan kolumbianët 3:1

Kupa Libertadores, gjysmëfinalja ndeshja e dytë
Santos – Gremio 3:1 (1:1) – (0:2 ndeshja e parë)
Gremio u plasua në finale.